Shpërthimi me tritol i hotelit në Sarandë ka tronditur banorët e zonës në orët e para të mëngjesit të së hënës.
Godina e hotelit që ndodhej në bulevardin kryesor të qytetit bregdetar është rrafshuar. Ndërsa nga shpërthimi i fuqishëm janë dëmtuar rreth 30 biznese.
Gjithashtu raportohet se janë dëmtuar edhe objekte të tjera në rrugën nr.5 të qytetit deri në 500 metra larg vendit të ngjarjes.
Hoteli ndodhej në pronësi të dy personave që janë në një proces gjyqësor me njëri-tjetrin.
Dalin pamjet, shikoni se si është rrafshuar nga shpërthimi me tritol hotel ‘Bizanti’ në Sarandë!
Hoteli 2-katësh që ishte ndërtuar rreth viteve ’90 ndodhej buzë detit dhe është rrafshuar krejtësisht nga shpërthimi ndërsa biznesi mësohet se nuk ka qenë funksional. Hoteli funksiononte vetëm gjatë muajve kur kishte fluks turistik.