Ditën e enjte në orën 10:00 do të zhvillohet seanca e radhës dhe protesta e PD-së jashtë parlamentit. Sot, kryetarja e Kuvendit, Lindita Nikolla zyrtarizoi seancën e radhës.
“Ju njoftojmë se seanca plenare e Kuvendit të Shqipërisë do të zhvillohet ditën e enjte, datë 16 shkurt, ora 10:00. Urdhër nr.10, datë 14.02.2023, i Kryetares së Kuvendit, znj. Lindita Nikolla” njoftoi Kuvendi.
Mbrëmë Sali Berisha deklaroi se të enjten do të ketë një tjetër tubim përpara parlamentit, i dyti pas protestës së djeshme, që kishte disa incidente, të shoqëruar dhe policë të plagosur.
Tre seancat e fundit janë bllokuar nga opozita, që kërkon debat me Edi Ramën për dosjen “McGonigal”.
