Tentoi të vidhte me forcë në ambientet e Njësisë Administrative Kutalli, policia identifikon dhe arreston 31-vjeçarin Andi Vrapi.
Pas informacionit se një person ishte futur me forcë për të vjedhur në zyrën e arkëtarit të Njësisë Administrative Kutalli, policia thotë se ka organizuar menjëherë punën për identifikimin dhe kapjen e autorit dhe dokumentimin e rrethanave të kësaj ngjarjeje.
Po sipas policisë, Vrapi ka kanosur me fjalë arkëtarin, i ka kërkuar atij vlera monetare dhe i ka marrë me forcë çantën e dorës, të cilën pasi e ka kontrolluar dhe nuk ka gjetur vlera monetare e ka hedhur dhe ka mundur të largohet nga vendi i ngjarjes.
Materialet i kaluan Prokurorisë pranë Gjykatës së Rrethit Gjyqësor Berat, për veprime të mëtejshme.
