Departamenti Amerikan i Shtetit ka ngritur sot një shqetësim në lidhje me rusët e përfshirë në krimet kundër njerëzimit në luftën e Ukrainës.
DASH thotë se këto persona mund të ndiqen penalisht, por se vështirësia qëndron në faktin se si do të mbahen në paraburgim gjatë ndjekjes penale, në një kohë që ato jetojnë në Rusi.
“Ndërsa individët jetojnë në Rusi, ata ndoshta do të gëzojnë pandëshkueshmëri sepse nuk ka asnjë forcë policore ndërkombëtare që mund të shkojë dhe t’i bëjë ato arrestime. Një raport i fundit i financuar nga DASH për të paktën 6,000 fëmijë ukrainas të dëbuar ose të bllokuar brenda Rusisë mund të tregojë prova të gjenocidit. SHBA do të vazhdojë të vëzhgojë për indikacione të tjera të gjenocidit në Ukrainë”, tha Beth Van Schaack, ambasadore e Departamentit të Shtetit për drejtësinë penale globale.
