Hakerat rusë sulmuan portalet online të organizatave publike italiane të mërkurën.
Sipas shtypit italian faqet e internetit të Karabinierëve, Ministrisë së Jashtme italiane, Ministrisë së Mbrojtjes dhe organizatave bankare janë çaktivizuar përkohësisht ose kanë pasur probleme lidhjeje.
Në mesazhet e tyre hakerat i referohen mbështetjes ushtarake të Ukrainës nga qeveria e Romës, deklaratave të djeshme të kryeministrit italian, Giorgia Meloni nga Kievi, ndërsa përmendet edhe “qëndrimi rusofobik” i Italisë.
