Vihen në pranga 9 shtetas dhe procedohet penalisht 1 tjetër, për vepra të ndryshme penale.
Specialistët e Seksionit për Hetimin e Narkotikëve arrestuan shtetasin D. D., 49 vjeç, banues në Tiranë, pasi gjatë kontrollit fizik, shërbimet e Policisë i gjetën një sasi të vogël lënde narkotike kokainë, e cila u sekuestrua në cilësinë e provës materiale.
Specialistët për Hetimin e Krimeve të Komisariatit të Policisë Nr. 6 arrestuan shtetasin Ç. K., 52 vjeç, banues në Tiranë, pasi ka ushtruar dhunë ndaj bashkëshortes së tij.
Specialistët e Qarkullimit Rrugor arrestuan shtetasit:
- A. Sh., 34 vjeç, banues në Kosovë; S. N., 30 vjeç dhe F. S., 57 vjeç, të dy banues në Tiranë, pasi u kapën duke drejtuar automjetet, nën efektin e alkoolit;
-
Q. B., 36 vjeç, banues në Durrës, pasi u kap duke drejtuar automjetin, në gjendje të dehur, si dhe nuk i është bindur urdhrit të punonjësve të Policisë, për kryerjen e testit të alkoolit;
-
A. V., 54 vjeç, banues në Tiranë, pasi duke drejtuar automjetin, nën efektin e alkoolit, ka humbur kontrollin dhe automjeti ka dalë nga rruga;
-
D. D., 20 vjeç, banues në Tiranë, pasi u kap duke drejtuar automjetin, pa leje drejtimi;
-
A. Q., 24 vjeç, banues në Has, Kukës, pasi duke drejtuar automjetin, te “Komuna e Parisit”, ka goditur 3 automjete të tjera. Si pasojë e aksidentit kanë mbetur të dëmtuar 3 drejtuesit e automjeteve dhe një pasagjere, të cilët ndodhen jashtë rrezikut për jetën.
Në Komisariarin e Policisë Nr. 4 është paraqitur shtetasi M. L., 32 vjeç, i cili ka kallëzuar se është larguar nga banesa vëllai i tij, shtetasi A. L., 40 vjeç. Punohet për gjetjen e tij.
