Një aksident ka ndodhur mbrëmjen e sotme rreth orës 18:20 në aksin rrugor Pogradec-Qafë Thanë në afërsi të fshatit Piskupat, Pogradec.
Shoferi me inicialet E. D. dyshohet se ka humbur drejtimin e automjetin tip “Audi Q7”, dhe ka dalë nga rruga dhe më pas ka përplasur automjetin tip “Ford”.
Si pasojë e përplasjes janë plagosur 6 persona. Të plagosurit: drejtuesi A. M. dhe pasagjerët (bashkëshortja dhe dy fëmijët e shtetasit A. M) të automjetit tip “Ford” si dhe shtetasi T. K., pasagjer në automjetin tip “Audi Q7”.
Të plagosurit ndodhen aktualisht në spitalin e Pogradecit, jashtë rrezikut për jetën.
Me drejtuesit e automjeteve, po kryen veprimet e mëtejshme procedurale. Grupi hetimor po punon për përcaktimin e shkaqeve të aksidentit.
