Prej datës 1 Prill do të futet në fuqi rritja e re e pagës minimale. Njoftimin e bëri ministrja e Financave, Ibrahimaj pas mbledhjes së qeverisë. Nga 34 mijë lekë, pas Prillit paga minimale bëhet 40 mijë lekë.
“Qeveria ka miratuar rritjen e pagës minimale, 17% më e lartë se paga që është në treg. Kjo pagë do t’i atribuohet si sektorit privat dhe atij publik. Nga data 1 prill paga minimale do të ketë rritje. Për 6 muajt e parë të 2023 do të marrin pagën minimale edhe punonjësit e Ballshit.
Paga është forma kryesore e të ardhurave të disponoheshe të familjeve shqiptare. Në tre vitet e ardhshme kjo do të bëjë që paga minimale në Shqipëri të mos jetë me e ulëta në rajon dhe Shqipëri të jetë tërheqëse për forcën e punës dhe investimeve.
Kemi qenë të kujdesshëm pasi nuk duam që t’i shtojmë kosto biznesit dhe kjo është arsyeja që subvencionojmë koston shtesë për kontributet e sigurimeve shoqërore. Kjo nuk lidhet me politika zgjedhore” tha ministrja Ibrahimaj.
