Në vjeshtë Tirana të mirëpresë samitin e radhës së Procesit të Berlinit që mblidhet për herë të parë në një vend të Ballkanit Perëndimor. Edi Rama dhe Olaf Scholz javën e kaluar në Berlin ranë dakord për zhvillimin e samitit në Tiranë në datë 16 Tetor. Sapo është kthyer në Tiranë në mbledhjen e parë që ka zhvilluar kryeministri Edi Rama ka miratuar edhe fondin për realizimin e Samitit të Berlinit, që është 61 milionë lekë.
VENDIMI
- Drejtorisë së Shërbimeve Qeveritare, në buxhetin e vitit 2023, në programin “Shërbime qeveritare”, t’i shtohet fondi prej 61 000 000 (gjashtëdhjetë e një milionë) lekësh, për financimin e infrastrukturës mbështetëse, në kuadër të organizimit në Tiranë të Samitit të Procesit të Berlinit.
- Ky fond të përballohet nga fondi rezervë i buxhetit të shtetit, miratuar për vitin 2023.
- Fondi prej61 000 000 (gjashtëdhjetë e një milionë) lekësh, me kërkesë të Drejtorisë së Shërbimeve Qeveritare, alokohet me destinacion projektin zbatues, përfshirë rikonstruksionet e nevojshme për krijimin e infrastrukturës mbështetëse, të paraqitur nga kjo drejtori pranë Ministrisë së Financave dhe Ekonomisë.
- Ngarkohen Ministria e Financave dhe Ekonomisë dhe Drejtoria e Shërbimeve Qeveritare për zbatimin e këtij vendimi.
Ky vendim hyn në fuqi menjëherë dhe botohet në Fletoren Zyrtare
