Sot shënohet 15 vjetori i tragjedisë së Gërdecit që la 26 viktima, mes tyre edhe fëmijë.
Zamira Durda e cila humbi djalin 7 vjeç në tragjedinë e Gërdecit gjatë homazheve në vendin e krimit nuk i mbajti dot lotët duke kërkuar drejtësi.
“Dua vetëm një përgjigje pse nuk jeton djali im. Pse? Këtë dua, kush ishte arsyeja? Çfarë faji kishte djali im? O shpirt i mamit!”, tha ajo duke mos i mbajtur dot lotët.
Kanë kaluar 15 vite nga ngjarja e Gërdecit ku mbetën të vdekur 26 persona e megjithatë familjarët ende e ndjejnë dhimbjen.
Dosja e Gërdecit ndodhen në gjyqin paraprak me të pandehur Fatmir Mediun, ish-ministër i Mbrojtjes, ndërkohë që një tjetër procedim është i hapur në SPAK.
