Në Tiranë është zhvilluar sot mbledhja e Këshillit të Stabilizim Asociimit. Zëvendëspresidenti i Komisionit Europian, Josep Borrell në prani të Komisionerit për Zgjerimin, Oliver Varhelyi deklaroi në konferencën për mediat se ka rënë dakord me kryeministrin Edi Rama që skema e “pasaportave të arta” që prezantoi qeveria shqiptare nuk do të ecë më tej duke marrë fund këtu.
“Ne shohim dhe mirëpresim drejtimin strategjik të qarë të Shqipërisë në BE. Po punojmë për anëtarësimin e Shqipërisë në të gjitha fushat. Dua të pranoj dhe të vlerësoj se ky vend ka treguar pjekuri në të gjitha reformat, sidomos në drejtësi e cila ka ecur përpara. Institucionet shqiptare duhet të përshpejtojnë reformat. Patëm mundësi të mirëpresim vendimin e kryeministrit që projekti i pasaportave të arta nuk do të ecë më tej” tha Borrell.
