Një grua në fshatin Sllatinë të Fushë Kosovës ka raportuar se nga një burrë që kishte njohur në rrjete sociale i ka vjedhur çantën me 400 euro.
Pasi njohjes online, të rinjtë kishin vendosur të takoheshin në fshatin Sllatinë të Fushë Kosovës. Por siç bëhet e ditur nga polica, i dyshuari gjatë ikjes nga vendi i ngjarjes ka përplasur viktimën me makinë.
“Fshati Sllatinë, Fushë Kosovë 22.03.2023 – 21:00. Viktima femër kosovare ka raportuar se derisa ishte duke qëndruar në një lokal me një person të dyshuar të cilin e kishte njohur përmes rrjeteve sociale i njëjti ja kishte vjedhur nga çanta rreth 400 € para kesh.
Gjatë ikjes nga vendi i ngjarjes i dyshuari e kishte shkelur me veturë viktimën duke i shkaktuar lëndime trupore. Viktima është dërguar për trajtim mjekësor në QKUK. Rasti në hetime”, thuhet në raportin 24 orësh të policës.
