Mazhoranca dhe opozita janë bashkuar sot në një tryezë për të diskutuar rreth aksesit në dokumentet historike dhe hapjen e dosjeve të ish-Sigurimit të Shtetit.
Duke folur në një deklaratë për mediat jashtë sallës së mbledhjeve në Kuvendin e Shqipërisë, kryetari i grupit parlamentar të PS, Taulant Balla tha se, sa i përket përplasjeve mes dy grupimeve të Partisë Demokratike, ajo është një çështje e tyre e brendshme.
Ai shoti se në sallën ku po diskutohet për “spiunët” ishte i pranishëm edhe z. Alibeaj dhe se në Kuvend ai njeh për opozitë grupin parlamentar të PD, si më i madhi opozitar në vend.
- Balla si i komenti përplasjet mes dy grupimeve brenda Partisë Demokratike?
Kjo është një çështje që nuk më takon mua ta diskutoj. Di që në sallën ku mora pjesë është edhe z. Alibeaj, është një çështje e brenda e opozitës dhe e Partisë Demokratike. Unë njoh për opozitë në Kuvendin e Shqipërisë, grupin parlamentar të Partisë Demokratike, si grupi më i madh parlamentar opozitar.
