Komisioni i Ankesave dhe Sanksioneve në KQZ ka rrëzuar ankimimin e Partisë Socialiste për të mos regjistruar në zgjedhje kandidatin e pavarur në Sarandë Gjergji Mërkuri.
Me një vendim unanim të 5-të anëtarët e KAS-it, kanë vendosur se pretendimi i Partisë Socialiste nuk mbron asnjë interes të ligjshëm për kundërshtimin e vendimit të KZAZ për miratimin e kandidatit të pavarur Gjergji Mërkuri.
Mërkuri ka bërë edhe një kallëzim penal në prokurori ndaj kryetarit të Partisë Socialiste në Sarandë Eleron Gjoni, për pengimin e garimit në zgjedhje.
Në kallëzim janë paraqitur prova për kërcënime ndaj firmëtarëve për të rekovuar mbështetjen ndaj kandidatit të pavarur.
Komisioni i Ankesave dhe Sanksioneve ka rrëzuar pretendimet e Partisë Socialiste duke, legjitimuar kandidmin e Mërkurit në zgjedhje.
Kjo është çarja e dytë e PS-së, pasi pak javë më parë një pjesë e bazës doli kundër kandidatit Olti Caci, që Blendi Klosi çoi nga Tirana për të kandidatuar në Sarandë.
