Kryeministri Edi Rama dhe rivali politik Sali Berisha kanë hapur “Podcast”-et. Lëvizje e re përpara fushatës për zgjedhjet lokale. Komunikim në cdo hapësirë të mundshme. Për këtë mënyrë të re komunikimi, Pandeli Majko ka pyetur sot përfaqësuesit e AMA-s nëse kjo është e rregulluar me ligjin e ri që po diskutohet në komisione.
“Kam një pyetje që mund të tingëllojë edhe si ironi. Këto “Podcast”-et që po dëgjojnë, zoti Rama do të krijojë një të vetin, edhe Berisha, këto janë të rregulluara nga ky ligj? Janë nën rregulloren e legjislacionit që po diskutojmë?
Kam përshtypjen që influenca e rrjeteve sociale po krijon disa zona të lira ekonomike që mund të thuash çfarë të duash. Tregu i medias dhe ofruesi i shërbimeve është ridimensionuar. Ka fuqi AMA të ndërhyjë?” pyeti ai, por përfaqësuesit e AMA-s nuk dhanë një përgjigje konkrete.