“Kriminelët shqiptarë po tentojnë të kontrabandojnë armë në Britaninë e Madhe përmes një porti të Adriatikut, ku qeveria britanike është detyruar të forcojë sigurinë”.
Kështu shkruan The Telegraph.uk pas operacionit të së hënës në Portin e Durrësit, ku u sekuestruan 8 pistoleta.
“Durrësi, një port që po pëson një zgjerim të madh nga qeveria shqiptare, u identifikua si një burim i mundshëm kontrabande nga MB dhe Shqipëria vitin e kaluar, sipas një sasie emailesh të policisë të zbuluara në atë kohë.
Ishte nisur drejt Anglisë? Kush është shoferi i furgonit të pistoletave?
Emailet zbuluan se Forcat Kufitare planifikonin të dislokonin oficerë në Shqipëri për të ndihmuar në “përshtatjen” e planeve për zgjerimin e portit dhe për të këshilluar mbi masat e sigurisë që mund të merren për të luftuar emigracionin e paligjshëm dhe importin e kokainës në Evropë nga bandat e krimit të organizuar.
Ata treguan se roli i Forcave Kufitare do të fokusohej në portet shqiptare të Durrësit dhe Porto Romanos për të “vlerësuar trafikun e kontejnerëve, pasagjerët, portet dhe sistemet e IT të zbatimit të ligjit, dhe aftësitë aktuale operacionale që ekzistojnë brenda portit”.
Policia thotë se kriminelët shqiptarë kanë drejtuar pjesë të mëdha të tregut të kokainës në Mbretërinë e Bashkuar për dy dekadat e fundit, por, në vitet e fundit, kanë zëvendësuar gjithashtu vietnamezët si furnizuesit më të mëdhenj të kanabisit të rritur në Mbretërinë e Bashkuar përmes “fermave” të fshehura nëpër shtëpi dhe prona industriale.
Ku ishin fshehur 8 pistoletat? Zbulohet emri i shoferit që u arrestua në Durrës
Vjeshtën e kaluar, Agjencia Kombëtare e Krimit (NCA) paralajmëroi se një “numër i konsiderueshëm” shqiptarësh në Britaninë e Madhe kishin hyrë ilegalisht për të punuar në tregun “gri” ose për bandat e organizuara kriminale të drogës dhe po kthenin “qindra milionë paund” cash në vit në Shqipëri.”, shkruhet ndër të tjera në artikullin e The Telegraph.
