I ftuar në emisionin “5 Pyetjet” nga Ilir Babaramo, mjeku i njohur Ilir Alimehmeti u pyet në lidhje me sondazhin më të fundit të Institutit Piepoli mbi punën e kryer nga kryetari aktual i Bashkisë së Tiranës, Erion Veliaj në këto tetë vite të mandatit të tij.
Sipas Alimehmetit, qytetarët janë disi skeptikë kur bëhet fjalë për sondazhe të tilla, pasi ata nuk ndihen të sigurt në dhënien e përgjigjes së tyre dhe nëse për këtë përgjigje do t’i ruhet anonimiteti.
Si e komentoni sondazhin e Institutit Piepoli mbi punën e kryetarit aktual të Bashkisë së Tiranës, Erion Veliaj, në këto 8 vite të mandatit të tij?
Ilir Alimehmeti: Në politikë ne votojmë në mënyrë të fshehtë dhe kur japim përgjigje për sondazhet, në Shqipëri ka një tkurrje të fortë. Njerëzit i druhen kësaj pune, pasi atyre u kanë dalë të dhënat personale. Prandaj, ka ngurrim te njerëzit kur bëhen sondazhe. Personi që përgjigjet duhet të jetë shumë i sigurt që përgjigja do të jetë anonime.
Ilir Alimehmeti në “5 Pyetjet”: Ka diskriminim brenda e jashtë Unazës, ka mungesë transparence!
