Qeveria ka hapur “thesin” e premtimeve përpara zgjedhjeve të 14 Majit. Sot zëvendëskryeministrja Belinda Balluku gjatë një takimi me pensionistët në Dibër u premtoi se në muajin shtator do të marrin bonusin e dyte, para këto, që janë siguruara nga taksa e jashtëzakonshme e energjisë..
“Ne vitin e kaluar kemi indeksuar pensionin me 9.5%. Do ketë një indeksim të ri të pensioneve në fund të shtatorit të këtij viti në bazë të inflacionit që do ketë viti në vazhdim.
Janë 650 pensionistë dhe për këtë arsye të ardhurat prej 4.1 miliardë që janë mbledhur nga taksa e jashtëzakonshëm e energjisë, është vendosur që të shpërndahen tek pensionistë me bonus prej 5 mijë lekë shtesë.
Do merrni dhe këstin e dytë, që ka të njëjtën vlerë, gjatë vitit, dhe më pas në shtator, në shtator përveç indeksimit, do të merrni edhe pjesën e bonusin që vjen nga pjesa e dyte e taksimit të jashtëzakonshëm. Është në politikën tonë që ne do të kujdesemi për ju”, tha Balluku.
