Kryetari i bashkisë në ikje i Vlorës, Dritan Leli ka firmosur sot nisjen e procedurave për hapjen e një tenderi, 600 milionë lekë të vjetra.
Në fakt janë dy tendera për pastrimin në Vlorë dhe Orikum. Afati është 12 muaj ose 365 ditë pune nga momenti i nënshkrimit të kontratës.
Specifikisht 31,467,958.00 Lekë janë vendosur në dispozicion për pastrimin e njësive Administrative Novoselë, Qendër Vlorë dhe Shushicë. 27,910,434.00 Lekë janë caktuar për Orikumin për ta pastruar. Por çfarë do të bëhet me këto lekë?
Në preventiv thuhet se në Vlorë dhe Orikum për një vit me këtë shumë prej 600 milionë lekësh pa llogaritur TVSH-në do të bëhet fshirja e rrugëve me larja me ujë. Mbeturinat do të sistemohen dhe do të transportohen.
Në dukje duket një preventiv i fryrë pasi janë 600 milionë Lekë për fshirje dhe pastrim. Leli nuk do të kandidojë për një tjetër mandat në zgjedhjet e 14 Majit duke firmosur kështu tenderat e fundit.
