Në Tiranë po zhvillohet edhe këtë të martë protesta e thirrur nga aktivistë dhe ambientalistë, ku mijëra qytetarë janë mbledhur para Kryeministrisë për të shprehur pakënaqësinë e tyre ndaj ndërtimit të një resorti në Zvërnec.
Tubuesit mbajnë pankarta dhe banderola me mesazhe të forta, ndër të cilat spikat një pankartë që përshkruan një dialog imagjinar mes kryeministrit Edi Rama dhe ish-kryeministrit Sali Berisha, ku shkruhet me shkronja të mëdha: “Zaptuam Shqipërinë”.
Protestuesit theksojnë se do të vijojnë të shprehin qëndrimin e tyre paqësor, duke kërkuar që zërat qytetarë të dëgjohen në lidhje me projektet që ndikojnë në mjedisin dhe komunitetin lokal.
