Presidenti i Polonisë, Andrzej Duda ndodhet në një vizitë zyrtare në Tiranë. Pas pritjes me ceremoni zyrtare, dy Presidentët Begaj dhe Duda zhvilluan një konferencë për mediat duke u ndalur te forcimi i raporteve mes dy vendeve, integrimi, por edhe lufta në Ukrainë.
“Shqipëria është në krye për prioritetet për anëtarësim. I mbështesim këto ambicie. Reformat po realizohen. Shqipëria zhvillohet nga ana dinamike dhe e infrastrukturës. Shqipëria e meriton që të pranohet sa më shpejt në BE. Këtu kanë ardhur sipërmarrës polakë. Shpresoj për kontrata të reja dhe forcim i lidhjeve ekonomike” tha Duda.
“Si dy vende anëtare të NATO-S Shqipëria dhe Polonia kanë bashkëpunim shumë të mirë në fushën e mbrojtjes në nivel strategjik dhe operacional. Vlerësuam gjithashtu bashkëpunim shumë të mirë në fushën e arsimit dhe shkencës si aspekt tjetër i rëndësishëm i marrëdhënieve dypalëshe.
Një vëmendje shumë të veçantë ia kushtuam bashkëpunimit në kuadër të integrimit evropian të Shqipërisë ku shpreha mirënjohjen për mbështetjen që Polonia i ka dhënë Shqipërisë. Vëmendje të veçantë i kushtuam sfidës më të madhe për rendin botëror dhe sistemin e vlerave tona të përbashkëta që po testohen e kërcënohen nga një prej anëtarëve të përhershëm të Këshillit të sigurimit të Kombeve të Bashkuara” tha Begaj.
