Shkodra është kryefjalë e këtyre zgjedhjeve. Partia Socialiste për herë të parë në pluralizëm arriti që të merrte kontrollin e kryeqendrës së veriut. Benet Beci do të jetë kryetari i ri i bashkisë duke i marrë fronin Bardh Spahisë.
Por kjo nuk ishte “kalaja” e vetme blu që ra në duart e socialistëve. Devolli është një tjetër bashki, bastioni i vetëm i së djathtës në juglindje në qarkun e Korçës.
Eduart Duro fitoi një tjetër mandat. 4 vite më parë pa garë dhe tashmë përballë rivalit demokrat, Elvis Hajdërlli. Kjo është një tjetër goditje e fortë për demokratët.
