Kreu i PL-së, Ilir Meta me anë të një postimi në Facebook ka përkujtuar revoltën e Spaçit.
Meta shkruan se kjo revoltë është simbol i shpirtit të pamposhtur, duke theksuar se shqiptarët nuk do të pranojnë rikthim në diktaturë.
REAGIMI I METËS
Sot është një ditë kujtese, nderimi por edhe reflektimi!
Revolta e Spaçit, 50 vite më parë, është shenjuar në memorien kombëtare si simbol i shpirtit të pamposhtur, guximit njerëzor dhe sakrificës më sublime në mbrojtje të lirisë, demokracisë, shtetit ligjor dhe dinjitetit njerëzor.
Akti vetëmohues i zemërluanëve martirë të Spaçit që thyen mitin e paprekshmërisë së regjimit ishte shkreptima që ndriçoi në errësirën e kohës egërsinë e shtetit totalitar dhe që frymëzon në çdo epokë përpjekjet dhe qëndresën për mbrojtjen e lirisë dhe demokracisë!
Kurrë më shqiptarët nuk do të pranojnë rikthim në diktaturë! Liria fitohet, nuk dhurohet! ✌🏻🇦🇱
