Lulzim Basha po përgatit rikthimin në krye të PD-së. Por derisa të hapet dhe zhvillohet gara, propozimi për të marrë drejtimin e komanduar të PD-së mbetet në tryezën e Jorida Tabakut, që është nënkryetare e partisë.
E ndërsa dje u shpreh se po bisedon me deputetët e tjerë dhe kërkoi një tur nëpër Shqipëri, sot gazetarët iu drejtuan sërish Tabakut teksa po futej në Kuvend. Por Tabaku nuk pranoi që të fliste për rikthimin e Lulzim Bashës.