Një tjetër shqiptare ka ndërruar jetë në Itali. Një grua 75-vjeçe, Salie Gjonzenelaj u gjet e pajetë në rrugë pasi u përplas nga një makinë në San Donato, Granarolo.
Sipas mediave, shoferi i makinës që përplasi shqiptaren është një 55-vjeçar italian. Dyshohet se është përplasur me një shtyllë ndriçimi dhe më pas ka dalë nga rruga duke përplasur edhe të moshuarën.
Pasi nuk po kthehej në shtëpi, familja denoncoi rastin në polici duke kërkuar ndihmë. Një prej fëmijëve të saj e gjeti trupin e pajetë të nënës.