Kryeministri Edi Rama edhe njëherë tjetër, sot nga Selenica falënderoi qytetarët me bindje të djathta që nuk dolën që të votojnë në zgjedhjet e 14 Majit duke plotësuar kërkesën e tij, që e ktheu në kryefjalë të fushatës.
“Falenderoj ata që e ndjejnë veten djathtas, nuk kanë dëshirë ta konsiderojnë kapërcimin e kufirit, të na shohin ne si një forcë politike që nuk mund të bashkohen, por në 14 Maj bënë një hap të mençur, disa duke votuar kandidatët tanë, disa duke mos dalë në votim.
Mos dalja në votim e një pjesë të tyre është kontributi më i rëndësishëm për të ardhmen e vendit. Nuk pranuan ta ndyejnë dorën, për ta vendosur kryqin e votës së tyre tek një bashkim i së shkuarës” tha Rama.
