Komandanti i KFOR-it, Angelo Michele Ristuccia ka vizituar ushtarët italianë të cilët mbetën të plagosur pas sulmeve të zhvilluara në veri të Kosovës më 29 maji.
Ristuccia është pritur në Kampin Villagio Italia në Pejë nga koloneli ,Mario Bozzi ku kanë qëndruar në infermierinë e këtij kampi.
Ristuccia ka shprehur krenarinë për ushtarët italianë që kanë vepruar në përputhje të plotë me Rezolutën 1244, duke ndërhyrë mes dy palëve të kundërta duke parandaluar një përplasje që sigurisht do të kishte çuar në një numër të madh të viktimave civile.
Ushtarët italianë do të kthehen në Itali në ditët në vijim për t’u rikuperuar dhe për të kaluar kohë me më të dashurit e tyre.
