Zbardhen detaje të reja nga plagosja mbrëmjen e djeshme në Shijak. Ngjarja ndodhi rreth orës 22:10 në lagjen “Popullore” në Shijak, ku i lënduar ka mbetur një 50-vjeçar. Paraprakisht mësohet se i plagosuri është Ardjan Çyrbjan 50 vjeç, ndërsa autori i dyshuar është Ervis Hodo 38 vjeç. Ende nuk dihet shkaku i debatit që solli plagosjen me pistoletë.
Sherr dhe plumba në mes të natës! Kush ishte në shënjestër për t’u vrarë?
Ervis Hodo ka shtënë tre herë me armë në drejtim të 50-vjeçarit, i cili ka qenë nën shoqërinë e bashkëshortes dhe fëmijës. Plumbat e kanë kapur një në bark dhe tjetri afër zemrës. Bashkëshortja e Çyrbes i është afruar autorit duke iu lutur të mos qëllonte më.
50-vjeçari po merr kujdesin e nevojshëm mjekësor në spital, ndërkohë që policia ka rrethuar zonën dhe po vijon përpjekjet për ndalimin e autorit. Grupi hetimor ndodhet gjithashtu në vendngjarje dhe po punon për sqarimin dhe zbardhjen e plotë të rrethanave të ngjarjes.
