Politikani gjerman, Peter Beyer, njofton se është nisur për një vizitë në Kosovë, e më pas do të shkojë edhe në Serbi.
“Rrugës për në Prishtinë, Kosovë, tani. Shpreh vlerësimet dhe pëkrahjen time për KFOR-in dhe bisedimet politike. Të shtunën shkoj në Beograd, Serbi, për diskutime politike”, ka shkruar Beyer.
Fundjavën e kaluar në Prishtinë ka qëndruar Manuel Sarrazin, emisar gjerman për Ballkanin Perëndimor. Sarrazin erdh pas futjes së kryetarëve të rinj shqiptarë në objektet e tri komunave veriore, Leposaviqit, Zubin Potokut dhe Zveçanit.
“Porosia ime sot është që ne nuk do të lejojmë që këto mundësi, këto shanse që i ofron marrëveshja e Ohrit të hidhen poshtë për shkak të ndonjë vendimi të marrë”, ka thënë Sarrazin në Kosovë.
