Një aksident i rëndë automobilistik ka ndodhur mbrëmjen e sotme në rrugën e Kombit ku 2 automjete janë përplasur me njëra-tjetrën.
Ngjarja ka ndodhur në afërsi të Rrëshenit, ndërsa nga përplasja janë dëmtuar 7 persona të cilët janë dërguar drejt spitalit.
2 persona mbetën të bllokuar në automjetet e aksidentuara ku është dashur ndërhyrja e forcat zjarrfikëse.
Si pasojë e aksidentit kanë mbetur të plagosur në total 7 persona, ku mes tyre kanë qenë dhe 3 vajza të mitura, të cilat udhëtonin me mjetin tip “Audi” së bashku me familjen.
Në automjetin tip BMW udhëtonin dy shtetase nga Kosova, me inicialet B. S. dhe M. S.
Janë dërguar në Spitalin Rajonal të Rrëshenit 4 nga të dëmtuarit, ndërsa 3 prej tyre janë transportuar për në Spitalin e Traumës Tiranë, ku paraprakisht ndodhen jashtë rrezikut për jetën.
