Pasditen e sotme duke filluar prej orës 17:00 do të mblidhet Kryesia e PD-së për të vendosur nëse më përpara do të zgjidhet kryetari apo do të bëhen zgjedhjet duke filluar nga baza pastaj në fund në qendër. Deputetët e grupit të PD-së kërkojnë më parë të zgjidhen drejtuesit e degëve më pas kryetari.
Por, Kolegji i Kryetarëve, ose kryetarët e degëve e hodhën poshtë këtë propozim, i mbështetur edhe nga Gazment Bardhi, duke thënë që deri më 15 korrik, kryetari i PD-së duhet të jetë zgjedhur më pas drejtuesit e degëve.
Degët e PD-së kontrollohen në shumicë nga Lulzim Basha. Ishte periudha e tij kur u zgjodhën. Kërkesa e degëve për të zgjedhur kryetarin brenda 15 korrikut është presioni indirekt i Bashës për të përshpejtuar procesin, por deputetët janë kundër.