Presidenti francez, Emmanuel Macron ka shtyrë një vizitë shtetërore të planifikuar në Gjermani si pasojë e protestave.
“Presidenti Macron ka kërkuar që vizita e planifikuar në Gjermani të shtyhet”, ka thënë zëdhënësi i tij.
“Macron foli me homologun e tij gjerman Frank-Walter Steinmeier për ta informuar mbi situatën,” tha një zëdhënës i presidentit gjerman nga ana tjetër.
Më shumë se 1300 persona janë arrestuar pas natës së katërt të protestave të dhunshme në të gjithë vendin pas vdekjes së djalit 17-vjeçar, Nahel Merzouk i cili u qëllua të martën nga policia gjatë një ndalimi trafiku në periferi të Parisit.
