Kryeministri i Kosovës, Albin Kurti ditën e sotme ka zhvilluar një takim shefin e OSBE-së, Michael Davenport dhe zëvendës shefin e OSBE-së, Jeffrey Bieley.
Për mes njoftimi nga Kryeministria e Kosovës u bë e ditur që në takim u bisedua për bashkëpunimin ndërmjet Kosovës dhe OSBE-së si dhe për zhvillimet në vend.
Gjithashtu mësohet se në takim Kurti ka njoftuar Davenport për emërimin e nënkryetarëve nga komuniteti serb në komunat në veri.
Qeveria njoftoi se në takim u bisedua edhe për de-eskalim të situatës në katër komunat në veri dhe normalizim të marrëdhënieve me Serbinë.
