Kryeministri, Edi Rama pasditen e sotme ka mbërritur në Serbi ku ka mbajtur një takim me presidentin serb, Aleksandar Vuçiç.
Gjatë konferencës së mbajtur Rama u shpreh se rruga e vetme për të ecur përpara është bashkëpunimi dhe paqja.
“Rruga e vetme, për të ecur përpara nuk është nxitja e tensioneve, por rruga e dialogut dhe arritja e dakordësinë mbi marrëveshjen që buron nga plani franko-gjerman.
Duhet hapura rruga e arsyes dhe pastaj të kalohet në procesin e dialogut. Ne jemi mësuar të kuptojmë se nuk nuk mund të biem dakord me të gjithë, por të mos na pengojë të bëjmë më të mirat për rajonin tonë, për një proces bashkëpunimi dhe paqeje,” u shpreh ai.
Kryeministri i Shqipërisë gjatë ditës së sotme ka vizituar Sarajevën dhe Podgoricën, ndërsa dje ka qëndruar në Shkup dhe Prishtinë.
