Kryeministri Edi Rama nuk është i kënaqur me mbështetjen e SHBA-së në raport me muxhahedinët dhe sulmin kibernetik që Shqipëria pësoi nga Irani vitin e kaluar. Pas Samitit të NATO-s në Lituani, Edi Rama u shpreh pa diplomaci, por qartë.
“Jo. Nuk janë mbështetës të plotë aq sa ne do të donim. Me këtë deklaratë mund të bëjnë çfarë të duan” tha Rama.
Më pas, Edi Rama tha se MEK nuk e respektoi marrëveshjen me qeverinë shqiptare. “Na u kërkua që të ndihmojmë MEK. Janë një kafshatë e fortë me thënë të drejtën. Na u kërkua të shpëtojmë jetët e tyre.
Marrëveshja ishte se do të qëndronin në Shqipëri, por jo për ta kthyer në platformë politike kundër Iranit. Ne u sulmuam në shkallë të gjerë” tha ai.
Një koment për raportin Kosovë-Serbi. “Veriu i Kosovës mund të bëhet vatër zjarri” tha ai.
