Ushtruesi i detyrës si kryetar i OVL-UÇK-së, Faton Klinaku ka reaguar ndaj deklaratës së kryeministrit, Albin Kurti lidhur me çështjen e veteranëve.
“Meqenëse dosjet janë në prokurori dhe lënda në gjykatë e që me insistimin tonë si Organizatë e Veteranëve ka filluar që të merret drejtësia me këtë, nuk ka guxuar asnjë kryeministër, qeveri, kuvend e as ne të merremi me lista pa u përfunduar procesi gjyqësor. Pastaj, si mund të verifikosh kur dosjet janë në prokurori dhe si mund të bëhet kjo ndryshe përveç me komandantët e zonave operative dhe zingjirin komandues të UÇK-së, siç e ka fituar të drejtën e veteranit Albin Kurti duke ia nënshkruar Adem Demaçi”, ka deklaruar ai.
Sot kryeministri Albin Kurti ka folur rreth ligjit për pagën minimale, që u aprovua të enjten në Kuvend, e për të cilin mori kritika nga partitë opozitare se veteranët e luftës së UÇK-së mbeten jashtë këtij ligji.
“Ligji i cili kalojë së fundi në Kuvendin e Kosovës e rregullon pagën minimale. Ne jemi për benefite sa më të larta për veteranët e luftës çlirimtare, por këto benefite nuk janë pagë sepse paga është për punë. Pra, benefitet janë mirënjohje e shoqërisë që i jepen veteranit të luftës për luftën çlirimtare, fitimtare e cila është burim i shtetësisë, pavarësisë sonë”, tha Klinaku.
Numri një i qeverisë së Kosovës tha se po angazhohen që të ketë një ligj të ri, por për këtë nevojitet që faktet të jenë të sakta.
”Ai beneficionin e quan pagë, sepse e ka qëllim që ta mashtrojë publikun. Ai thotë se është për benefite më të larta, por po ua dokumentoj çfarë thot ligji: Më të larta do të mund t’i bënte, por nuk mund të jetë më e vogël se paga minimale e përcaktuar në Kosovë,” shkruan Klinaku.
