Gjykata e Fierit ka dënuar me 12 vite burg Hysni Dalipaj pasi ka abuzuar seksualisht me vajzën e tezes kur ajo ka qenë e mitur vetëm 13 vjeç.
Gajtë hetimit të kryer është provuar se 27-vjeçari Hysni Dalipa, ka abuzuar me vajzën e tezes e cila në dëshminë e saj është shprehur se akti i rëndë është regjistruar kur ajo ishte në klasën e 7.
27-vjeçari e ka ngacmuar seksualisht dhe ka abuzuar me të në tualetin e jashtëm të shtëpisë.
Lidhja mes dy kushërinjve ka vijuar, deri në fazën kur vajza është martuar, duke krijuar familjen e saj.
Por teksa mes tyre pati një periudhë shkëputje, sërisht Hysni Dalipaj, filloi ta shantazhojë dhe kërkojë llogari tek vajza e tezes së tij duke kërkuar prej saj favore seksuale.
Vajza ka deklaruar në gjykatë pasi djali i tezes i kërkonte që ajo të kryente marrëdhënie seksuale me të, pavarësisht se ajo bashkëjetonte me një burrë dhe kishte dhe një fëmijë.
