Një lajm i mirë mes tragjedisë që pllakosi në familjen Halilaj në Tiranë. 10 ditë më parë, babai Elvis Halilaj së bashku me dy djemtë e mitur u mbytën në plazhin e Vilë Bashtovës në Kavajë.
Djali i madh 16-vjeç dhe i ati i vrapuan për të ndihmuar të voglin 13-vjeç që mori rryma detare, por në fund nuk arriti që të dilte asnjëri gjallë fatkeqësisht. Bashkëshortja e Elvisit dhe vajza mbetën në mes të katër rrugëve në një gjendje të vështirë ekonomike. Por shqiptarët reaguan.
Njëri prej miqve të tij, Albert Karanxha hapi një llogari në “GOFUNDME” me apelin që shqiptarët të kontribuojnë për mbledhjen e të ardhurave për familjen e të ndjerit.
Deri tani shuma që është mbledhur ka arritur mbi 16 mijë paund, pa llogaritur pjesën tjetër cash. Llogaria në “GOFUNDME” vazhdon që të jetë e hapur për të kontribuar të gjithë ata që kanë mundësi për të ndihmuar këtë familje.
Klikoni KËTU për të kontribuar
