Detaje të reja janë zbardhur në lidhje me vrasjen e regjistruar pasditen e 23 korrikut në Via Dorighello në lagjen Forcellini në Padova ku mbeti i vdekur 24-vjeçari Albert Deda.
Dy vëllezërit Ilmi dhe Klinton Rakipaj tentuan të largoheshin nga Italia 12 orë pas krimit të rëndë por pa sukses pasi u arrestuan në flagrancë nga karabinierët.
Ndërkohë sot sipas mediave italiane ata do të merren sot në pyetje në lidhje me ngjarjen. Sipas të gjitha gjasave, 24-vjeçari dhe 19-vjeçari do të transferohen në Padova deri në fund të javës.
Të enjten u caktua një autopsi në trupin e viktimës për të kuptuar se sa dhe cilat ishin plagët fatale.
Deda u plagos me thikë në kulmin e debatit të dhunshëm që shpërtheu pasditen e së dielës në hyrje të pallatit ku banonin.
Shkak i mosmarrëveshjes sipas karabinierëve ishte debati mes miqve për ardhjen e një shoku të ri të dhomës, i cili degjeneroi në vrasje.
