I dërguari i Shteteve të Bashkuara të Amerikës për Ballkanin Perëndimor, Gabriel Escobar është shprehur së fundi se Mali i Zi ka një mundësi unike për të përshpejtuar rrugën për t’u bërë pjesë e Bashkimit Europian.
Escobar u shpreh se SHBA-të janë të lumtur me përparimin demokratik të shtetit malazez, i cili përfshin tranzicionin e fundit të qetë të pushtetit presidencial dhe zgjedhjet parlamentare.
“Mali i Zi tani ka një mundësi unike për të përshpejtuar rrugën drejt BE-së”, tha Escobar.
Escobar pohoi gjithashtu se SHBA-të po presin me padurim formimin e shpejtë të një qeverie të re.
“Anëtarët e të cilëve mbështesin pranimin e Malit të Zi në BE, mbështetjen unike të NATO-s për Ukrainën, natyrën civile të shtetit, respektimin e të drejtave të njeriut, përmirësimin e kushteve për punën e një shoqërie civile dinamike dhe që përpiqen të përmirësojnë reformat për t’i arritur ato synime”, tha ai.