Policia ka bërë të mundur pas 12 orësh kërkime të lokalizojnë dhe shpëtojnë një turiste italiane e cila ishte bllokuar në një shpellë në Karaburun.
Sipas njoftimit të policisë turistja po eksploronte zonën e Karaburunit ku prej 3 ditësh kishte mbetur afër një shpelle në këtë zonë pasi e kishte të pamundur lëvizjen për shkak të mungesës së ushqimit dhe ujit.
Turistja u gjet në afërsi të vendit të quajtur “Qafa e Petrunës”. Ajo mori ndihmën e parë mjekësore dhe ndodhet jashtë rrezikut për jetën.
