Në Brazil një 7-vjeçar ka humbur jetën disa minuta pasi u fotografua duke luajtur në rërë gëlqerore.
I mituri ka humbur jetën për shkak se ka thithur pluhurin toksik nga materialet e ndërtimit që ndodheshin pranë shtëpisë së tij.
Arthur Emmanuel Bittencourt vdiq tragjikisht më 3 gusht, pak pasi hyri për të luajtur në një grumbull rëre gëlqerore, një material i përdorur gjerësisht për të bërë beton në ndërtim.
Në foton e postuar nga xhaxhai i djalit, shihet 7-vjeçari duke pozuar i buzëqeshur në rërë. Pak çaste më vonë, ai u dërguar me urgjencë në spital, por nuk arriti të mbijetonte.
Thuhet se të afërmit e fëmijës e publikuan foton si një paralajmërim për prindërit e tjerë për rreziqet e materialeve të ndërtimit.
