Neymar ka marrë vendimin për t’u larguar nga PSG pas 6 vitesh me ekipin francez. Edhe ai si shumë lojtarë të tjerë këtë vit kanë vendosur të lënë futbollin europian duke iu bashkuar atij të Arabisë Saudite.
Vend i cili nuk është kursyer aspak kur vjen pjesa e përfitimeve dhe kontratave me yjet e futbollit.
Rrugëtimin në vendin arab e hapi Cristiano Ronaldo i cili më pas u ndjek nga yje të tjerë si Benzema, Kante, Henderson që lanë pas ekipe me emër si Real Madrid, Chelsea, Liverpool.
Ndërkohë kësaj here këtij grupi iu bashku edhe Neymar i cili do të mbushë “thasët” me para në 2 vitet e ardhshme me ekipin e ri, Al-Hilal.
Mësohet se ai do të përfitojë 300 milionë euro në sezon, duke e kthyer atë në një nga lojtarët më të paguar në botë.
Negociatat nisën javën e kaluar, u përshpejtuan gjatë fundjavës dhe tashmë gjithçka është konfirmuar.
Por ajo që bën kuriozë tifozët janë paga përkatësisht në sekondë, minutë dhe orë. Epo Neymar vetëm në një sekondë merr afro 4,8 euro. Një shumë e cila njerëzit e thjeshtë punojnë në orë për 5 euro.
