Policia e Tiranës ka vënë në pranga një 23-vjeçar pasi mësohet se kishte vjedhur targat e 12 automjeteve.
Dyshohet se qëllimi i autorit ishte t’i dërgonte jashtë vendit dhe më pas të përdoreshin për veprimtari kriminale.
Sipas njoftimit të policisë i riu rezulton i dënuar më parë në Belgjikë për vepra penale në fushën e narkotikëve.
Gjithashtu janë sekuestruar targa të shteteve të ndryshme, doreza dhe mjete të cilat 23-vjeçari i përdorte për të kryer vjedhjet.
23-vjeçari me inicialet J. L. u kap në flagrancë duke vjedhur targat e një automjet në “Misto Mame”.
Gjatë ditës së djeshme ai kishte vjedhur targat e 11 automjeteve të ndryshme në zonën e Yzberishtit, Misto Mames dhe të Kombinatit.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
