Partia Demokratike ka çuar në Komisionin e Ankimeve dhe Sanksioneve vendimin e KQZ-së me firmën e Ilirjan Celibashit në lidhje me zgjedhjet e 24 shtatorit në Kukës. PD kërkon dy komisionierë dhe jo një sikur ka vendosur KQZ.
Por KQZ, tha në vendimin e argumentuar se është bazuar te zgjedhjet e 14 Majit, të cilat e renditën PD-në zyrtare forcë të tretë politike pas PS-së dhe koalicionit “Bashkë Fitojmë” për këtë arsye i takon vetëm një anëtar.
“Përcaktimi i partive politike që kanë të drejtë të propozojnë anëtare të KZAZ do bazohet në rezultatin përfundimtar të zgjedhjeve të majit dhe konkretisht në numrin e votave të këshillave. Partia e Lirisë (udhëheqësja e koalicionit) është partia më e madhe opozitare.
Do ketë të drejtë që të ketë 2 anëtarë në KAZAZ. Ka numër votash më të larta në zgjedhjet e fundit. Ne do ta miratojmë projekt draftin sipas propozimit dhe ju keni të drejtë ankimi në KAS”, tha Ilirian Celibashi. Tre anëtarë i takojnë PS-së, dy forcës së dytë që është Partia e Lirisë që drejtonte koalicionin “Bashkë Fitojmë” dhe një PD-së zyrtare.
