Ditën e sotme, rreth orës 11:00 në një lokal në qytetin bregdetar të Vlorës, dy turiste italiane kanë vjedhur një sasi të konsiderueshme kartëmonedhash në euro.
Pronari i lokalit ka njoftuar tanimë policinë, ndërsa ka bërë thirrje që t’i kthejnë pranë lokalit ose në rajonin e policisë.
Kjo ngjarje vjen pas rastit të bujshëm në Berat ku disa turistë po italianë, u larguan pa paguar darkën.
Kryeministrja italiane, Giorgia Meloni kërkoi më pas nga ambasada italiane në Tiranë që të bënte pagesën e faturës. Ky rast shkaktoi reagime të shumta nga shumë aktorë të politikës në shtetin fqinj. /Abc news
