Ministri i Mbrojtjes, Niko Peleshi ka reaguar në lidhje me zjarrin pranë mbetjeve të plehrave në Elbasan, afër inceneratorit.
Peleshi njofton se drejt zonës janë nisur rreth 20 efektivë BMEC-së dhe 5 mjete por dhe forcat zjarrfikëse për të frenuar përhapjen e zjarrit.
“Forcat e Armatosura iu përgjigjën menjëherë kërkesës së autoriteteve vendore të Elbasanit për të ndihmuar më vënien në kontroll të flakëve në vendgrumbullimin e mbetjeve urbane.
20 efektivë të BMEC-së dhe 5 mjete janë nisur krah forcave zjarrfikëse të Elbasanit për të frenuar përhapjen e zjarrit që favorizohet nga era dhe temperaturat e larta,” shkruan Peleshi në Facebook.
