Arrestohet në Tiranë një 40-vjeçar, pasi posedonte droga të forta, armë zjarri, armë të ftohta dhe sende të kundërligjshme në automjet dhe në banesë në kuadër të operacionit të koduar “Brryli”.
Sekuestrohen sasi të lëndëve narkotike kokainë dhe heroinë, një armë zjarri pistoletë, një pushkë pneumatike, një palë dylbi, një dorezë me mekanizëm si pistoletë për të realizuar qitje, një shënjestër optike, dy armë të ftohta (thika) dhe municion luftarak.
Sipas policisë, në bulevardin “Bajram Curri”, shërbimet e Policisë kanë ndaluar për kontroll automjetin me drejtues G. H. duke zbuluar më pas çfarë kishte brenda.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
