Tërmeti me magnitudë 6.8 ballë në Marok që la shkaktuar mbi një mijë viktima për sizmologët është pasojë e lëvizjes së pllakave tektonike dhe rritjes së aktiviteteve sizmike në rajonin e Mesdheut. Sizmologu shqiptar Edmond Dushi thotë se Maroku është një nga vendet më sizmike të këtij rajoni.
“Ka ndodhur në kufirin e pllakave tektonike të fuqishme të rajonit të Mesdheut, pllaka Afrikane dhe Euroaziatike. Po t’i referohemi hartës, është me ngjyrë të theksuara, ku tregohet për një aktivitet të lartë sizmik. Në historinë sizmike të Marokut ka disa tërmete të fuqishme” tha ai tek Klan.
Sipas sizmologut që pas tërmetit 7.7 ballë të rënë në Turqi këtë vit, sistemi i pllakave tektonike në Mesdhe po pëson lëvizje. “Kemi një rritje të aktiviteteve në Mesdhe sidomos pas atij të Turisë, tregues që gjithë rajoni apo sistemi i pllakave është në lëvizje prej kohësh”, tha ai. Për pasojë mund të kemi aktivitet të shtuar sizmik në gjithë rajonin e Mesdheut.
Thellohet bilanci i viktimave të tërmetit në Marok, mbi një mijë të vdekur
