Një ngjarje e rëndë është regjistruar në Janinë ku një 35-vjeçar ka mbetur i vdekur.
I riu kishte hyrë për të vjedhur banesën e një të moshuari mbrëmjen e djeshme por plani nuk shkoi ashtu siç e kishte menduar.
Pasi ka hyrë në banesën e 71-vjeçarit me maskë dhe me një shufër hekuri ai është pikasur nga i moshuari.
I riu më pas ka goditur të moshuarin me një shufër metalike që mbante me vete.
Më pas i moshuari e ka kërcënuar me një revole që mbante në shtëpinë e tij për ta larguar dhe e ka qëlluar duke e plagosur për vdekje.
Policia më pas ka arrestuar të moshuarin dhe akuzohet për vrasje.
